Хэнтий аймгийн Жаргалтхаан нь 1923 онд байгуулагдсан. Хуучнаар Сэцэн ханы аймгийн  Баатар бэйлийн хошуу, 1923 оны Монгол Улсын засаг захиргааны өөрчлөлтөөр Баянзүрх уулын хошуу болж шинэчлэн байгуулагдсан бөгөөд 1931 онд Жаргалтхаан сум хэмээн нэрлэгдсэн түүхтэй.

Тус сум нь 275 мянган га талбайтай, баруунаас зүүн тийш 71 км өргөн уудам газар нутгийг эзлэн оршино. Нутаг дэвсгэр нь далайн түвшнээс дээш дунджаар 1358 м өргөгдсөн. Жаргалтхаан уул нь далайн түвшнээс дээш 1614 м өндөртэй, нутгийн тахилгат, унтарсан галт уул юм. Нугат намгийн цэвдэгт болон цайвар хүрэн, нимгэн хар шороон хөрстэй. Цаг уурын нөхцөл нь хуурай, сэрүүн зунтай хатуу өвөлтэй.

Хэнтийн нуруу, түүний захын салбар уулсын захын уулс, тал хээр хосолсон 285329 га газар нутгийг эзлэн орших ба зүүн чиглэлийн хэвтээ тэнхлэгийн Мянганы зам сумын төвөөр дайран өнгөрдөг. Далайн түвшнээс дээш дунджаар 1358м өргөгдсөн.Сумын төв Улаанбаатар хотоос 230 км, Чингис хотоос 100 км-т оршдог.

Сумын газар нутгийн хэмжээ газрын нэгдмэл сангийн ангиллаар: 285329 га.